Өкмөт башчы иш сапары менен Баткен облусуна кетти

Бүгүн, 26-январда премьер-министр Темир Сариев Баткен облусуна бир күндүк иш сапары менен кетти. Өкмөттөн кабарлагандай, премьер-министр Баткен районунун Ак-Сай айыл аймагындагы Көк-Таш - Ак-Сай - Тамдык, Миң-Булак - Чорго - Ак-Сай, Ак-Сай - Тамдык жолунун курулушу менен таанышат.

Мындан тышкары өкмөттүн Баткен облусундагы ыйгарым укуктуу өкүлчүлүгүнүн 2015-жылдын жыйынтыгына арналган коллегиялык жыйынына катышып, облустун социалдык-экономикалык өнүгүү пландары, чек ара коопсуздук маселелери талкууланмакчы.