2015-жылы "Спорт чебери" наамы 274, "Эл аралык класстагы спорт чебери" наамы 39 спортчуга берилди

2015-жылы Жаштар иштери, дене тарбия жана спорт мамлекеттик агенттиги тарабынан 14 дене тарбия жана спорт биримдиктери (спорт түрлөрү боюнча федерациялар, ассоциациялар) каттоодон өткөрүлгөн. Бул тууралуу кечээ, 26-январда аталган агенттиктин 2015-жылдын жыйынтыгын чыгарган жыйынында айтылды.

Ошондой эле өткөн жылы спортчуларга 356 наам берилген. Алардын ичинен:

274 - "Кыргыз Республикасынын Спорт чебери" наамы;

39 - "Кыргыз Республикасынын Эл аралык класстагы спорт чебери" наамы;

2 - "Кыргыз Республикасынын Эмгек сиңирген спорт чебери" наамы;

31 - "Кыргыз Республикасынын Эмгек сиңирген машыктыруучусу" наамы;

10 - "Кыргыз Республикасынын Улуттук категориядагы калысы" наамы берилди.

Бул жылы жалпысынан 1307 машыктыруучунун документтери каралып, алардын 951и тиешелүү каттоодон өтүштү.