Бишкек шаарында коммуналдык кызмат көрсөткөн 12 мекеме бар

Учурда Бишкек шаарын коммуналдык кызмат көрсөткөн 12 мекеме тейлейт, анда 12 миңдей адам эмгектенет. Бул тууралуу мэриянын басма сөз кызматы билдирди. Бүгүн, 19-мартта мэр Иса Өмүркулов турак жай коммуналдык чарба кызматкерлерин кесиптик майрамы менен куттуктады. “Сиздер адамдардын жашоосунун сапаты жана коомдук туруктуулук көз каранды болгон тармакта иштеп жатасыздар. Ар бир үйдүн, үй-бүлөнүн жакшы жашоосу көптөн-көп ушул тармактын туруктуулугунан, ишенимдүүлүгүнөн жана анда иштеген адамдардын кесипкөйлүгүнөн, жоопкерчилигинен көз каранды”,- деди шаар башчысы. Мындан сырткары Өмүркулов шаардын калкын жана ишканаларын жылуулук, электр энергиясы, газ, суу менен үзгүлтүксүз, сапаттуу камсыздоону сактоо үчүн бардык мүмкүн болгон иштерди жасоо керектигин белгиледи.