Унааны 22 миң долларга сатып алып, акчасын бербей жүргөн Сузактагы жергиликтүү кеңештин депутаты кармалды

Маалыматка караганда, 2014-жылдын июнь айында С.К. аттуу жаран бирөөнүн Субару Аутбэк үлгүсүндөгү унаасын 22 000 доллага алып, акчасын бербей белгисиз тарапка кетип калган. Өткөн жылы апрель айында кылмыш иши козголуп, С.К. издөөгө алынган. 26-январда милиция кызматкерлерине изделип жаткан жаран Бишкек шаарындагы Шопоков көчөсүндө жайгашкан үйлөрдүн биринде жашап жатканы тууралуу маалымат түшкөн. Тергөө амалдарынын жүрүшүндө 1973-жылы туулган С.К. кармалып, убактылуу кармоочу жайга киргизилди.