Бишкек-Чалдыбар унаа жолунда айдоочу жөө жүрүүчүнү сүзүп, ал оор жаракаттардан каза тапты

Бишкек-Чалдыбар унаа жолунда айдоочу жөө жүрүүчүнү сүзүп кетип, оор жаракаттардан улам ал каза тапты. Бул тууралуу бүгүн, 28-январда Чүй облустук ички иштер башкы башкармалыгынан билдиришти.

Маалыматка ылайык, жол кырсыгы 27-январь күнү саат 07:50 чамасында Бишкек-Чалдыбар унаа жолунун 22-чакырымында болгон. Анда Мицубиси Спэйс Стар үлгүсүндөгү унааны башкарган 20 жаштагы Г.Ю. аттуу айдоочу 60-65 жаштар чамасындагы жөө жүрүүчүнү сүзүп кеткен. Оор жаракаттардан улам ал окуя болгон жерден каза тапкан.

Бул факт боюнча соттук-медициналык, техникалык экспертизалар дайындалып, иликтөө иштери жүрүүдө.