Авариялык абалдагы үйлөрдү камсыздандыруу мүмкүн эмес

Авариялык абалдагы үйлөрдү камсыздандыруу мүмкүн эмес. Бул тууралуу бүгүн, 28-январда Каржы рыногун көзөмөлдөө мамлекеттик кызматынан билдиришти. Эгерде камсыздандырылган үй толугу менен кулап түшсө, айыл жергесиндегилерге 500 000 сом, шаар жергесиндегилерге 1 000 000 сом берилет. Акча бардык документтерди алып келгенден кийинки 30 күндүн ичинде төлөнөт. Эгер төлөнүп берилчү сумма үйдү кайра курууга жетпесе, анда үйдү ыктыярдуу түрдө кошумча камсыздандырса болот.

Мекеме милдеттүү камсыздандырылууга жатпай турган турак жайларды атады, алар:

1. Авариялык абалдагы үй;

2. Ыйгарым укуктуу орган бузуу жөнүндө чечим кабыл алган учурдан тартып бузула турган же багытын өзгөртүү жөнүндө арыз ыйгарым укуктуу органга берилген учурдан тартып турак жай эмес курулушка багыты өзгөртүлүүчү турак жай;

3. Милдеттенмелер боюнча өндүрүп алуу чегерилген үйлөр;

4. Жер тилкесинин алып коюлушуна байланыштуу менчиктен ажыратылуучу үйлөр;

5. Техникалык талаптарды бузуу менен курулган үйлөр;

6. Конфискацияланууга жаткан үйлөр.