Жумгалда хоккей боюнча республикалык мелдеш өтүүдө

30-январда Нарын облусундагы Жумгал районунун Чаек айылында республикалык хоккей мелдеши башталды. Кыргыз Республикасынын эгемендүүлүгүнүн 25 жылдыгына арналган мелдешке жалпысынан 8 команда катышууда. Бул тууралуу уюштуруучулар кабарлашты.

Командаларга токтолсок, жеңиш үчүн Ысык-Көл облусунан келген "Чолпон-Ата" командасы, Бишкек шаарынан келген "Темир-Жол", Кочкор районунан "Кочкор" жана Жумгалдагы Байзак, Куйручук, Шортон, Миң-Куш жана Кызыл-Жылдыз айылдарынан чогулган командалар ат салышат.

31-январда жыйынтыктала турган мелдештин байге фонду 300 миң сомду түзөт.