Ош облусунда 4,5 баллга жеткен жер титирөө катталды

Ош облусунун аймагында жер титирөө катталды. Сейсмология институтунун маалыматына ылайык, 31-январда жергиликтүү убакыт боюнча саат 14:55 чамасында очогунда күчү 4-4,5 баллга жеткен жер титирөө катталган.

Жер титирөөнүн очогу Кыргыз Республикасынын Ош облусундагы Алай районунун аймагында, Нура айылынан 20 чакырым түндүк-батышты карай, Кара-Киндик аймагынан 20 чакырым чыгышты карай, Сары-Таш айылынан 35 чакырым түштүк-батышты карай жайгашкан.

Жер титирөө Алай районунун Нура айылында 3,5-4 балл жана Сары-Таш айылында 3 баллга сезилген. Алдын ала алынган маалыматтарга таянсак, кыйроолор жана жабыркагандар жок.