2-февралга караган түнү өлкө аймагында эки ирет жер силкинди

1-февралдан 2-февралга караган түнү өлкө аймагында эки ирет жер силкинди. Сейсмология институтунун маалыматына ылайык, 2-февралда жергиликтүү убакыт боюнча саат 01:33 чамасында Ош облусунун аймагында күчү 3 баллга жеткен жер титирөө катталган. Жер титирөөнүн очогу Кыргыз Республикасынын Фергана тоо кыркаларынын аймагында, Кара-Дөбө айылынан 15 чакырым түндүк-чыгышты карай, Байбиче айылынан 17 чакырым түндүк-чыгышты карай жайгашкан. Жер титирөөнүн күчү Кара-Дөбө, Байбиче айылдарында 3 баллга сезилген.

Ошондой эле 2-февралда Ош облусунда жергиликтүү убакыт боюнча саат 02:19 чамасында очогунда күчү 3 баллга жеткен жер титирөө катталган. Жер титирөөнүн очогу Кыргыз Республикасынын аймагында, Ак-Жылга айылынан 10 чакырым түштүк-чыгышты карай, Кожо-Келең айылынан 15 чакырым түштүк-чыгышты карай жайгашкан. Жер титирөө Ак-Жылга айылында 3 балл жана Кожо-Келең айылында 2,5 балл болгон.

Алдын ала алынган маалыматтарга таянсак, кыйроолор жана жабыркагандар жок.