Футбол боюнча өлкө чемпиону “Алайга” Ош мэриясы кичи автобус, Футбол федерациясы медалдарды тапшырды (фоторепортаж)

Бүгүн, 3-февралда Ош шаарында өлкө чемпиондугу - ТОП-Лиганы уткан “Алай” футболдук клубуна сыйлык тапшыруу аземи болду. Салтанаттуу иш-чарага мэр Айтмамат Кадырбаев, КРнын Футбол федерациясынын вице-президенти Гулам Анарбаев, “Алай” футболдук клубунун толук курамы,
мекеме-уюмдардын жетекчилери жана футбол күйөрмандары катышышты.

Шаар мэри футболчуларды куттуктап, кийинки беттештерге ийгилик каалады. Андан соң мэриянын атынан командага Лексус-330 үлгүсүндөгү жеңил унаа жана клубдун администрациясына Тойота үлгүсүндөгү кичи автобус белекке берилди.

Футбол федерациясынын өкүлдөрү “Алай” клубунун президентине, футболчуларына, машыктыруучуларына жана дарыгерлерине медалдарды тапшырды. Мындан сырткары команданын эң мыкты оюнчулары ар кандай номинациялар менен сыйланышты.

Кошумчалай кетсек, “Алай” өткөн сезондо чемпиондук жарышта бишкектик "Дордойду" артта калтырып, чемпиондукту камсыздаган. Чечүүчү оюнда "алайлыктар" Нарындын “Ала-Тоо” командасын 3:2 эсебинде утушкан.