Бишкекте эркин күрөш боюнча өспүрүмдөр арасында шаар биринчилиги өтөт

5-7-февраль аралыгында Бишкекте Раатбек Санатбаев атындагы Олимпиадалык резервдин балдар жана өспүрүмдөр мектебинде эркин күрөш боюнча өспүрүмдөр арасында шаар биринчилиги өтөт. Бул тууралуу мэриянын басма сөз кызматы кабарлайт.

Маалым болгондой, анда байгелүү орундар үчүн 1999-2002-жылдар аралыгында туулган спортчулар күрөшкө түшөт. Катышуучулардын саны 300дү чамалайт. Жеңүүчүлөр 13 салмак категориясы боюнча аныкталат (33 килограмм, 36 кг, 39 кг, 42 кг, 46 кг, 50 кг, 54 кг, 58 кг, 63 кг, 69 кг, 76 кг, 85 кг, 100 кг).