Кыргыз жеринде күчү 3 баллга жеткен жер титирөө катталды

Кыргыз жеринде бүгүн, 5-февралда саат 06:16 чамасында очогундагы күчү 2,5-3 баллга жеткен жер титирөө катталды. Бул тууралуу Улуттук илимдер академиясынын Сейсмология институтунан билдиришти.

Маалыматка ылайык, жер титирөөнүн очогу кыргыз жеринин аймагында, Фергана тоо кыркасында, Ош облусундагы Кош-Дөбө айылынан 16 чакырым түштүк-батышка карай, Байбиче айылынан 22 чакырым түндүк-чыгышка карай, Кара-Дөбө айылынан 25 чакырым түндүк-чыгышка карай, Макмал айылынан 30 чакырым түштүк-чыгышка карай жайгашкан. Жер титирөөнүн күчү Кара-Дөбө, Макмал айылдарында 2-2,5 баллга, Байбиче Кара-Дөбө айылдарында 3 баллга сезилди. Жер титирөөдөн улам кыйроолор жана жабыркагандар катталган жок.