Шашылыш билдирүү! 9-11-февралда мезгил-мезгили менен кар жаайт

Кыргыз Республикасынын Өзгөчө кырдаалдар министрлиги билдиргендей, узакка созулган аномалдуу жылуу аба ырайынан кийин аба ырайынын кескин өзгөрүшү күтүлөт: 9-11-февралда мезгил-мезгили менен кар жаайт. 9-10-февралда Чүй, Талас, Ош, Жалал-Абад облустарынын кээ бир райондорунда жаан-чачын катуу жаайт. Зымдарга жана бактарга суу кар жармашат. Тоолуу аймактардын автоунаа жолдорунда кар күрткүсү жана жолдор тоңголок, тайгак болору күтүлөт. Кээ бир райондордо батыштан соккон шамалдын ылдамдыгы секундасына 15-20 метрге, Ысык-Көл акваториясында 19-24 метрге чейин жетет.

10-12-февралда абанын температурасы төмөндөйт: Ош, Жалал-Абад, Чүй облустарынын өрөөндөрүндө, Баткен облусунун дыйканчылык аймактарында жана Ысык-Көл ойдуңунда түнкүсүн 7…12°, күндүз 2…7° суукка чейин, Талас өрөөнүндө жана тоо этектеринде түнкүсүн 10…15°, күндүз 5…10° суукка чейин, Нарын облусунун дыйканчылык аймактарында жана тоолуу райондордо түнкүсүн 21…26°, күндүз 10…15° суукка чейин, бийик тоолуу райондордо түнкүсүн 25…30° суукка, күндүз 13…18° суукка чейин төмөндөшү күтүлөт.

Мындай аба ырайы автоунаа жолдорунун абалын начарлатат, автоунаа, энергетика жана коммуналдык кызматтардын ишин жана жайыттарда мал кармоону кыйындатат.