Бишкекте доллардын курсу кайрадан көтөрүлдү

Кечээ, 7-февралда Бишкектеги айрым акча алмаштыруучу жайларда доллардын курсу кескин төмөндөгөн. Акча алмаштыруучу жайлар 1 долларды 70 сом 50 тыйындан сатып алып, кайра 71 сом 50 тыйындан сатып жатышкан. Бүгүн, 8-февралда (саат 9:00гө карата) 1 долларды 73 сом 20 тыйындан сатып алып, 74 сом 50 тыйындан сата башташты.

2015-жылдын декабрь айында доллардын курсу кескин көтөрүлүп, 1 доллардын сатылышы 78 сомдон ашып кеткен. Улуттук банк курстун деңгээлин бир калыпта кармап туруу үчүн жалпы 260 миллион доллардан ашуун акчаны сатыкка чыгарган. Андан бери 7-февралга чейин да интервенция жасап, курсту тең салмакта кармап турган.