Борбордогу акча алмаштыруучу жайлардын бирине кол салуу болуп, андан 36 миң доллар акчаны алып кетишти

Борбордогу акча алмаштыруучу жайлардын бири тонолуп, андан 36 миң доллар уурдалды. Бул тууралуу бүгүн, 8-февралда SUPER.KG порталына Бишкек шаардык ички иштер башкармалыгынан билдиришти.

Маалыматка ылайык, Байтик баатыр жана Скрябин көчөлөрүнүн кесилишинде жайгашкан акча алмаштыруучу жайына 6-февраль күнү кол салуу болгон. Анда бет кап кийген эки белгисиз адам акча алмаштыруучу жайдын кызматкерин ур-токмокко алып, 36 миң доллар акчаны алып кеткен.

Бул факт боюнча кылмыш иши козголуп, учурда иликтөө жүрүүдө. Кылмышкерлерди издөө иштери азырынча натыйжа бере электиги маалым болду.