Өкмөт жарандардын насыя алуунун жолдорун жеңилдетмекчи

"Айыл чарба багытындагы насыялардын жеткиликтүүлүгүн камсыздоо жолдорун карап, коомчулук жана дыйкандардын сунуштарын эске алуу менен насыя берүүдөгү шарттарды жеңилдетүү иштерин жүргүзүү керек",- деп билдирди премьер-министр Темир Сариев 9-февралда өкмөт жыйынында.

Премьер насыяларды берүүдөгү жарандардын убаракерчилигин жоюуну белгилейт: "Бериле турган насыялар эмгектенип, иштейм деген каалоосу бар жарандарыбыз үчүн түрткү болушу керек. Ким эмгектенүүгө умтулса, өкмөт ар тараптуу колдоого алып, убара тарттырбастан шарттарды түзүүгө даяр болушу шарт",- деди.

Жыйында Кыргыз-Орус өнүктүрүү фонду айыл чарбасы, орто жана чакан бизнести колдоо боюнча ишин активдештирүүсү зарыл экени айтылды.