Өкмөт чүйлүк дыйкандарга 135 миллион сом жеңилдетилген насыя бөлүп берди

Чүй облусунун фермерлерине 135 миллион сом жеңилдетилген насыя бөлүнүп берилди. Бул тууралуу бүгүн, 20-мартта өкмөттүн аталган облустагы өкүлү Айбек Азыранкулов билдирди. Анын айтымында, Чүй облусуна быйыл 700 миллион сом бөлүп берүү каралган. “Учурда бул сумманын 135 миллион сому бөлүндү. Дыйкандардан насыя алуу тууралуу арыздар түшүп, кезеги менен берилүүдө. Бул акчаларга дыйкандар үрөн жана күйүүчү май сатып алышууда”,- деди Азыранкулов.