"Күч колдонуп 18 миң сомун тартып алган" деген шек менен Бишкекте 18 жаштагы жигит кармалды

Борбордо "күч колдонуу менен 18 миң сомун тартып алган" деген шек менен 18 жаштагы жигит кармалды. Бул тууралуу бүгүн, 12-февралда Бишкек шаардык ички иштер башкы башкармалыгынан билдиришти.

Маалыматка ылайык, 11-февраль күнү милицияга арыз менен Т.Ш. аттуу жаран кайрылган. Ал саат 03:30 чамасында Кулиев жана Рыскулов көчөлөрүнүн кесилишинен белгисиз адам аны ур-токмокко алып, күч колдонуу менен 18 миң сомун тартып алганын айткан. Жүргүзүлгөн иш-аракеттердин натыйжасында кылмыштын изи сууй электе кылмышка шектүү катары 18 жаштагы Т.С. кармалган. Учурда бул факт боюнча иликтөө иштери жүрүүдө.