Супер-Инфо
super.kg видео
ЭЛДИК КАБАР: Токмок шаарындагы мектептерде күндөлүктөрдү мажбурлап сатып жатышат
Токмок шаарынын мектептеринде окуучуларга күндөлүктөр көп жылдан бери мажбурлоо түрүндө сатылат. Бул тууралуу окурман 12-февралда WhatsApp аркылуу SUPER.KG порталына билдирди.
"Мектеп администрациясы саткан күндөлүктүн баасы 50 сомду түзүп, сапаты жагынан жана көлөмү боюнча базардагы күндөлүктөрдөн алда канча начар жана бир окуу жылына жетпейт. Орто эсеп менен базарда күндөлүктүн баасы 20 сом. Ар бир окуу жылында күндөлүктүн акчасын бир жыл эрте топтоткону менен, окуучуларга күндөлүк II чейректин башында араң тиет. Башкача күндөлүктү колдонууга тыюу салынган. Биз демократиялык мамлекетте жашап жатып эмне үчүн тандоо укугубуздан айрылып жатабыз? Мүмкүн, бул көрүнүш биздей карапайым элдин эсебинен кайсы бир аткаминердин чөнтөгүн толтурган нерседир..."- дейт кабардын автору.
Окурман буга тийиштүү органдардын чара көрүшүн талап кылууда.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
1
1 |