Кыргыз жеринде күчү 4,5 баллга жеткен жер титирөө катталды

Кыргыз жеринде бүгүн, 16-февралда саат 05:58 чамасында очогундагы күчү 4,5 баллга жеткен жер титирөө катталды. Бул тууралуу Улуттук илимдер академиясынын Сейсмология институтунан билдиришти.

Жер титирөөнүн очогу Кыргыз Республикасы менен Өзбекстан Республикасынын чек арасында болгон (Жалал-Абад облусу, Аксы району). Жер титирөөнүн күчү Жалал-Абад шаарында, Чеке-Дөбө, Таш-Булак айылдарында 4 баллга, Көк-Жаңгак, Базар-Коргон, Өзгөндө 3 баллга, Кочкор-Ата, Отуз-Адыр айылдарында 2,5 баллга жетти.

Жер титирөөдөн улам кыйроолор жана жабыркагандар катталган жок.