Ошто Мамлекеттик каттоо кызматынын өкүлдөрү эл аралык издөөдө жүргөн адамга паспорт жасап беришкен

Ош облустук-Мамлекеттик каттоо кызматынын жооптуу кызматкерлери алдамчылык боюнча айыпталып, эл аралык издөөдө жүргөн жаранга 2011-жылы паспорт даярдап беришкен. Бул тууралуу ИИМдин басма сөз кызматы билдирет. Айтылгандай, аталган мекеменин кызматкерлери 1953-жылы туулган, 2010-жылдан бери издөөдө жүргөн түркмөнстандык С.А. аттуу жаранга паспорт жасап бергендиги аныкталды. Кылмышка шектүү жаран кыргыз паспортуна ээ болгондон кийин чет өлкөгө чыгып кеткен. Бул аракет боюнча тиешелүү кызматкерлерге кылмыш иши козголду.