Аргентина. Майдандан четтетилген футболчу беттеш калысына ок чыгарып, калыс оюн талаасында жан берди

Калыс Сесар Санчес эреже бузган оюнчуга кызыл айып кагазын көрсөтүп, майдандан четтеткен соң оюнчу тарабынан атылып өлтүрүлдү. Бул тууралуу чет элдик маалымат булактары кабарлайт.

Маалыматка ылайык, окуя Аргентинанын Кордова шаарында болгон. Жергиликтүү полиция оюнчу майдандан четтетилгенине ызаланып, майданга курал менен кайтып келгенин айтат. Ал 48 жаштагы калыс тарапка 3 жолу ок чыгарган. Ок калыстын башына, төшүнө жана моюнуна таамай тийген. Алган жаракатынан улам ал ошол жерден жан берген. Футболчу окуя болгон жерден качып кетүүгө үлгүргөн. Учурда ал изделүүдө.