Футзал боюнча Азия чемпиондугу-2016: Кыргыз футзалчылары бүгүн Азиянын 10 жолку чемпиону Иранга каршы турушат

Бүгүн, 17-февралда футзал боюнча Өзбекстандын Ташкент шаарында өтүп жаткан Азия чемпиондугунун чейрек финалдык оюндары өтөт. Мелдештин бул баскычына Таиланд, Вьетнам, Япония, Австралия, Өзбекстан, Кыргыз Республикасы, Иран жана Ирак курамалары чыккан.

Мелдештин расмий сайты кабарлагандай, кыргыз футзалчыларынын бул күнкү атаандашы Азиянын 10 жолку чемпиону Иран курамасы болмокчу.

Чейрек финалдагы атаандаштар жана оюн сааттары (Бишкек сааты боюнча):

17:00. Өзбекстан — Ирак

17:00. Таиланд — Австралия

20:00. Иран — Кыргыз Республикасы

20:00. Япония — Вьетнам

Бул беттештерде жеңип чыккан командалар жарым финалга чыгып чектелбей, Колумбияда өтө турган Дүйнө чемпиондугуна катышуу укугун алышат. Утулуп калган 4 команданын эң мыктысы дагы Дүйнө чемпиондугуна катышуу укугуна ээ болот.