Балыкчыда аскер бөлүгүндөгү эки жоокер октон жаракат алды, биринин абалы оор

Балыкчы шаарындагы №20636-аскер бөлүгүндө аскер кызматын өтөп жаткан жоокерлер ок атуу боюнча машыгуу учурунда кокустуктан жаракат алышты. SUPER.KG порталына Ысык-Көл ОИИБинин басма сөз кызматынын жетекчиси Сталбек Усубакуновдун билдиришинче, окуя кокустуктан болгон. Анын айтымында, бир жоокер санынан жаракат алып, ал эми экинчиси башына ок тийип жандандыруу бөлүмүнө жеткирилди.

Маалыматка ылайык, окуя кечээ орун алган. Анда ок атуучу куралдарды колдонууда этиятсыздыктан М.Д. аттуу жокердин башына ок тийип, Балыкчы шаарынын жандандыруу бөлүмүнө жеткирилген. Ал эми 21 жаштагы И.Б. аттуу жоокер санынан жаракат алган. Учурда алар ооруканада. Биринин абалы оор экени айтылды.

"Бул факт боюнча тиешелүү материалдар чогултулду. Бүгүн тиешелүү мекемеге өткөрүлүп берилмекчи. Учурда кызматтык иликтөө жүрүүдө",- деди Усубакунов.