Кыргызстандык көк бөрүчүлөр Казакстандан олжолуу кайтышты

7-ноябрда Чымкентте көк бөрү боюнча Асанбай Аскаровдун жаркын элесине арналган эл аралык мелдеш аяктады. Ага Казакстан менен Кытайдын спортчуларынан тышкары биздин мекендештерибиз да катышышты. Чемпиондук үчүн финалда кыргызстандык "Кабылан" жана "Кожомкул" командалары чыгып, "Кабылан" 8:2 эсебинде жеңишке жетти. Бул тууралуу бүгүн атайын маалымат жыйынында машыктыруучу Азиз Уралиев маалымат берди. "Бул жеңиштин мааниси чоң. Акыркы жылдары казак көк бөрүчүлөрү Борбор Азияда жеңишти бербей келишкен",- деди Азиз мырза.