Ош. Ошто көк бөрү оюнунун жеңүүчүлөрү аныкталды

Бүгүн, 21-мартта Ош шаардык ат майданында 3 күн мурда башталган көк бөрү оюнунун финалдык таймашы болду. Ага өкмөт башчы Жантөрө Сатыбалдиев, Ош облусунун жетекчиси Сооронбай Жээнбеков баш болгон бийлик өкүлдөрү катышты. Мелдеште 1-орунду Ош облусунун улакчылары ээлешсе, 2-орунду Баткен, 3-орунду Жалал-Абад облусунан келген көк бөрүчүлөр алышты. Жеңүүчүлөр акчалай жана баалуу белектер менен сыйланышты. Иш-чаранын алкагында кыз куумай, эр эңиш, кунан чабыш, жорго салыш оюндары да орун алды.