Төрт адамды Лексус унаасы менен сүзүп кетип, кайра травматикалык тапанча менен ок чыгарган адам кармалды

Курманжан датка менен Чүй кең көчөлөрүнүн кесилишинде жөө жүрүүчүлөрдү сүзүп, өзү унаасына жашынып алып ок чыгарган 55 жаштагы адам кармалды. Бул тууралуу 22-февралда Жол-кайгуул кызматынын басма сөз бөлүмүнөн билдиришти.

Кечээ, 21-февраль күнү болжол менен саат 11:30да Лексус-330 үлгүсүндөгү унаасы менен 55 жаштагы адам жөө жүрүүчүлөрдү сүзүп алган. Андан соң элдин чуулдап көбөйүп кеткенинен улам унаасынын ичинен газ-травматикалык тапанчасы менен ок чыгарган. Окуя болгон жерге милиция кызматкерлери барганда тапанчасы менен ага тийиштүү документтерин өткөрүп берген. Кырсык болгон жерден 35, 36 жаштагы эки аял жана 36, 43 жаштагы эки эркек киши жабыр тартып, ар түрдүү жаракаттары менен 4-шаардык ооруканага кайрылышкан. Учурда тергөө иштери башталды.