ӨКМ: "Тоолуу аймактарда кар көчкү түшүүсү мүмкүн"

21-марттан 25-мартка чейин күндүн жылуу тартышына жана жаан-чачынга байланыштуу өлкөнүн тоолуу райондорунда кар көчкү түшүүсү күтүлөт. ӨКМ билдиргендей, көчкү түшүү коркунучу бар аймактар төмөнкүлөр: Бишкек-Ош унаа жолунун 121-137 жана 198-265-чакырымдары, Мырзаке-Кара-Кулжа-Алайкуу унаа жолунун 45-90 жана 145-150-чакырымдары, Каракол-Эңилчек унаа жолунун 45-90-чакырымы, Ала-Бука-Каныш-Кыя унаа жолунун 62-100-чакырымы. Аталган аймактарда жол жүргөн айдоочуларга унаалардын ортосундагы 500 метр аралыкты сактоону аталган министрлик эскертет.