Бишкекте жол кырсыгына кабылган эки айдоочу уруша кетип, бири экинчисин бычактап, окуя болгон жерден изин жашырып кетти

Бүгүн Бишкек шаарында жол кырсыгы катталып, айдоочулардын ортосунда уруш чыккан. Андан кийин айдоочулардын бири экинчисин бычактап, изин суутуп кеткен. Учурда аны издөө иштери жүрүп жатканын SUPER.KG порталына Бишкек ШИИББинин басма сөз кызматынын башчысы Олжобай Казабаев билдирди.

"Саат 15:30 чамасында 102 кызматына "Киев жана Жаш Гвардия көчөлөрүнүн кесилишинде жол кырсыгы катталып, айдоочулардын бири унаанын айнегин талкалап, унаа ээсин бычактап салды" деген маалымат түшкөн. Милиция кызматкерлери аталган дарекке барганда бычактаган айдоочу качып кеткенин аныкташкан. Ал эми жаракат алган айдоочу "Тез жардам" кызматы менен №4-шаардык ооруканага жеткирилген", - деди Казабаев.

Белгилүү болгондой, учурда бычактан жаракат алган айдоочуга операция жасалууда.