Бишкекте дагы бир куруучу көп кабаттуу үйдөн кулап түштү. Жаракаттардан улам ал ошол жерден каза тапты

25-февралда Бишкектеги Токтогул жана Жаш Гвардия көчөлөрүнүн кесилишинде жайгашкан көп кабаттуу үйдүн 8-кабатынан куруучу кулап түштү. Бул тууралуу SUPER.KG порталына шаардык милициянын басма сөз кызматынан билдиришти.

Маалым болгондой, "Тез жардам" кызматы куруучуга биринчи жардам көрсөткөн, бирок ал жаракаттардан улам ошол жерден каза тапкан. Бул факт боюнча Ленин райондук милиция бөлүмү тергөө иштерин жүргүзүүдө. Соттук-медициналык экспертизалар дайындалды.

Эскерте кетсек, буга чейин 19-февралда Бишкектеги Бөкөнбаев жана К.Акиев көчөлөрүнүн кесилишинде жаңы курулуп жаткан имараттын 4-кабатынан куруучу кулап түшкөн. Ал иштеп жатып кокусунан жерге кулап кеткени айтылган. Жабырлануучу 4-шаардык клиникалык оорукананын жандандыруу бөлүмүнө жеткирилип, ага медициналык тез жардам көрсөтүлгөн. Анын ээги, чекесинин сөөгү, эки бутунун согончок сөөктөрү сынганы белгилүү болгон.