Кыргыз-казак чек арасында 3,5 баллдык жер титирөө катталды

26-февралда саат 05:31де күчү 3,5 баллды түзгөн жер силкинүү катталды. Бул тууралуу бүгүн Сейсмология институтунан билдиришти.

Маалым болгондой, жер силкинүүнүн очогу кыргыз-казак чек арасында, Ысык-Көл облусунун Кутургу айылынан 18 чакырым түндүккө карай, Күрмөнтү айылынан 20 чакырым түндүк-батышка карай, Ананьев айылынан 35 чакырым түндүк-чыгышка карай, Каракол шаарынан 55 чакырым түндүк-батышка карай жайгашкан. Жер титирөөнүн күчү Күрмөнтү жана Кутургу айылдарында 2,5 баллды түзгөн.