Жанни Инфантино Эл аралык футбол федерациясына жаңы башчы болуп шайланды

Эл аралык футбол федерациясы 26-февралда кезексиз отурум алкагында шайлоо өткөрүп, жаңы президент шайланды. Бул кызматты швейцариялык Жанни Инфантино ээледи.

Жыйында аталган федерацияга мүчө болгон мамлекеттердин футбол федерацияларынын башчылары добуш беришти. Жыйынтыгында 115 добуш алган Инфантино жеңишке жетишти. Ал эми анын негизги атаандашы, Азия футбол конфедерациясынын учурдагы президенти шейх Салман 88 добуш топтоду. Калган талапкерлерден Иорданиянын ханзаадасы Али бин Аль-Хусейн 4 добуш алса, франциялык Жером Шампань бир дагы добуш ала алган жок.

Кошумчалай кетсек, буга чейин бул кызматты Йозеф Блаттер ээлеп келген. Коррупцияга байланышкан чуулардан кийин ал кызматынан четтетилип, ФИФАнын Этика боюнча комитети анын футбол жаатында ишмердүүлүк жүргүзүүсүнө 8 жылга тыюу салган. Жакында бул чечим бир аз өзгөртүлүп, 8 жыл 2 жылга кыскартылды.