Супер-Инфо
super.kg видео
ЭЛДИК КАБАР: Москвада жумушка орноштурган ортомчу компания кардарларын жумуштан кетирип жатат
Москвада жумушка орноштурган ортомчу компания кардарларын жумуштан кетирип жатат. Бул тууралуу Москвадагы окурман SUPER.KG порталына WhatsApp аркылуу билдирди.
"Кыргыз Республикасы Бажы союзуна толук кандуу мүчө болуп киргенден баштап, тактап айтсам, 2015- жылдын август айынан тарта "Вимм-Билль-Данн" компаниясы "Лидер Тим" ("Leader Team") деген ортомчу фирма аркылуу кыргыз жарандарын ишке ала баштаган. 2015-жылдын 9-декабрынан баштап кыргыз жарандарын ишке алууну токтоткон. Ал эми бүгүнкү күндө "Лидер Тим" фирмасы кыргыздарды кайрадан иштен негизсиз бошотуп жатат. Бул көрүнүшкө бизге иш берген "Вимм-Билль-Данн" каршы болгону менен, бизге жардам бере алган жок. Ортомчу фирманын айтымында, эки кыргыз жараны Федералдык миграциялык кызматына түшүп, алар үчүн фирма айып пул төлөгөн имиш. Бул фирмада жүздөн ашык кыргыз балдар-кыздар иштешет. Баарыбыз мерчендайзер болуп иштейбиз. Бизге ким жардам берет?"- деген суроо жөнөттү окурман.
Ошондой эле окурмандын кесиптеши "Вимм-Билль-Данн" компаниясынын супервайзеринен "компания ("Лидер Тим") орус жарандары менен гана иштешүү чечимин чыгарыптыр" деген жоопту алган.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
1
Этика нормаларын сактаңыз.