Эрдик көрсөткөндөр "Сууга чөккөндөрдү куткаргандыгы үчүн медалы" менен сыйланышты

Кыргыз Республикасынын Өзгөчө кырдаалдар министри, генерал-майор Кубатбек Бороновдун “Сууга чөккөндөрдү куткаргандыгы үчүн” сыйлоо жөнүндө буйругун Кыргы Республикасынын Өзгөчө кырдаалдар министрлигинин Кара-Көл шаардык бөлүмүнүн башчысы ээлерине тапшырды. Буйрукка ылайык, Адилет Аликеев, Бурулай Абдыбекова жана күч түзүмдөрүнүн биринин кызматкери куткарууга катышкандыктары үчүн сыйланышты. Бул тууралуу Өзгөчө кырдаалдар министрлигинен билдиришти.

Окуя 2016-жылдын 2-январында саат 15:00 чамасында болгон. Анда Жалал-Абад облусунун Токтогул районундагы Кара-Көл шаарында Адилет Аликеев, жубайы Арскан Жапаркулова жана эки баласы менен автоунаада шаардын ичинде жайгашкан Комсомол көлүнүн жанынан келе жатышкан. Бурулай Абдыбекова жолго чыгып, аларды токтотуп, көл үстүндө 6 жашар кыз муз тээп жатканда муз жарылып, сууга түшүп кеткенин айткан. Адилет Аликеев автоунаасынан түшүп, куткаруу максатында көл жээгине келип, 30-40 метр муз үстүндө басып барып, кыздын колунан кармап, аны өзүнө тарткан учурда муз сынып, куткарууда бир топ кыйынчылыктар жаралган. Жыйынтыгында 6 жашар кызды кармап, чөктүрбөгөнгө болгон аракетин жасаган. Аларды көрүп калган күч түзүмдөрүнүн биринин кызматкери аркан таштап, биргеликте кызды куткарып, көл жээгине алып чыгышкан эле.