29-февралда өлкө боюнча 336 наристе жарыкка келди, алар туулган күнүн ар 4 жылда бир жолу белгилешмекчи

2016-жыл толук жыл катары эсептелинет. Анткени бул жылдагы күндөрдүн саны 366ны түзүп, февраль айында 29 күн болот. Кечээ, 29-февралда өлкө аймагындагы төрөт үйлөрүндө 336 наристе жарыкка келди. Бул тууралуу КРнын Саламаттыкты сактоо министрлигинен кабарлашты.

4 жылда бир жолу туулган күнүн белгилей турган наристелердин эң көбү Ош облусунда төрөлдү. Облустар боюнча көрсөткүчкө көз салып коюуну сунуштайбыз:

- Баткен облусунда - 46 наристе

- Ош облусунда – 105 наристе

- Жалал-Абад облусунда – 60 наристе

- Талас облусунда –15 наристе

- Нарын облусунда –13 наристе

- Ысык-Көл облусунда – 21 наристе

- Чүй облусунда – 11 наристе

- Бишкек шаарында - 65 наристе