"Ишкер тарабынан 16 жашында зордукталды" делген кыздын апасы жооп берүүдөн баш тартты

Бишкекте ири компаниялардын биринин директору Нарынбек Сариевдин үй-бүлөсүнө байланыштуу чыр уланууда. Кечээ, 1-мартта ишкердин аялы Анара Сариева "16 жашар кызга үйлөнүп, мени өлтүрөм деп коркутууда" деп күйөөсүн айыптап чыккан. Жолдошу 16 жашар кызды зордуктап, учурда ошол кыз менен жашап жатканын айткан эле. Бүгүн аталган ишкер аялынын дооматтарын четке кагып, "жубайым Анара Сариева психикалык жактан оорулуу, менин мүлкүмдү тартып алгысы келүүдө" деп SUPER.KG порталына комментарий берди. Ишкер эч кандай кыз зордуктабаганын, аялы 16 жашар кыздын апасы Чолпон Асаналиеваны коркутуп арыз жаздыртканын айтууда. Бул боюнча кыздын апасына кайрылсак, жооп берүүдөн баш тартты. "Бул боюнча эч кандай комментарий бербейм",- деген кыска жооп узатты.