Бүгүн, 3-март - Мамлекеттик желек күнү

Бүгүн, 3-март - эгемендүү Кыргыз Республикасында Мамлекеттик желек күнү. Мамлекеттик туунун кабыл алынганына быйыл 26 жыл болду. Жер-жерлерде бул датага байланыштуу иш-чаралар өтөт.

Маалымат үчүн: КРнын Мамлекеттик туусу 1992-жылдын 3-мартында Жогорку Кеңештин токтому менен бекитилген. Өлкөнүн мамлекеттик туусу ортосуна кырк нуру тегиз чачыраган алтын түстөгү күн алкагынын, күн алкагынын ичине кыргыз боз үйүнүн кызыл түстөгү түндүгүнүн сүрөтү түшүрүлгөн тик бурчтуу кызыл кездемеден жасалган. Туунун эни анын узундугунун бештен үчүн түзөт. Нурлуу алкактын диаметри туунун энинин бештен үчүн түзсө, күндүн жана нурлуу алкак диаметрлеринин катышы - бештен үчкө барабар. Түндүктүн диаметри нурлуу алкактын диаметринин жарымына барабар.

Желектин авторлору: Эдил Айдарбеков, Бекбосун Жайчыбеков, Сабыр Иптаров, Жусуп Матаев, Маматбек Сыдыков.