Борбордо "кафелердин биринен кыздын акчасын күч колдонуу менен тартып алган" деген шек менен шаар тургуну кармалды

Бишкек шаарында "кафелердин биринен кыздын акчасын күч колдонуу менен тартып алган" деген шек менен шаар тургуну кармалды. Бул тууралуу бүгүн, 4-мартта Бишкек шаардык ички иштер башкы башкармалыгынан билдиришти.

Маалыматка ылайык, милицияга арыз менен К.Чолпон аттуу кыз кайрылган. Ал борбордогу кафелердин биринен Салават аттуу жигит күч колдонуу менен 2 миң сом акчасын тартып алганын айткан. Жүргүзүлгөн ыкчам аракеттердин алкагында кылмышка шектүү катары Бишкек шаарынын Б.С. аттуу тургуну кармалган. Учурда иликтөө иштери жүрүүдө.