5-мартта Жалал-Абад облусунда күчү 3,5 баллга жеткен жер титирөө болду

Кечээ, 5-мартта Жалал-Абад облусунда күчү 3,5 баллга жеткен жер титирөө болду. Бул тууралуу Өзгөчө кырдаалдар министрлиги билдирди.

Жер титирөө саат 21:35те болду. Анын очогу кыргыз-өзбек чек арасында, Жалал-Абад облусунун аймагында Жар-Кыштак айылынан 5 чакырым түштүктү карай, Жийде айылынан 15 чакырым түштүк-батышты карай, Жалал-Абад облусунан 25 чакырым түштүк-батышты карай, Кара-Суу шаарынан 25 чакырым түндүк-батышты карай, Базар-Коргон айылынан 25 чакырым батышты карай, Ош шаарынан 35 чакырым түндүк-батышты карай жайгашып, күчү 3,5 баллга чейин жетти. Жер титирөө Арал, Жар-Кыштак айылдарында 3,5 баллга жетсе, Жийде, Сузак, Жаңы-Жер айылдарында 3 балл, Кызыл-Ай, Таштак, Кайым айылдарында жана Жалал-Абад шаарында 2,5 балл болгон. Кыйроолор жана жабыркагандар жок.