Степное айылындагы №2-түзөтүү мекемесинде 8-Март майрамына карата концерт өттү

Чүйдүн Степное айылындагы №2-түзөтүү мекемесинде жаза мөөнөтүн өтөп жаткан айымдарга арналып "Жаз - 2016" аттуу майрамдык иш-чара өттү. Жаза аткаруу мамлекеттик кызматынан 8-мартта кабарлагандай, сынакка 5 команда катышты. "Сынакка даярданууга бир жарым ай убакыт кетти. Кыздар керектүү кийимдерди тигишти, ырларды жазышты. Бир нече этап менен өткөн сынакта бий, интермедия, дүйнө элдеринин кийимдери көрсөтүлдү",- деп айтылат маалыматта.

Мындан тышкары колонияга артисттер барышып, абактагы айымдарга концерт тартуулашканы айтылды.