Бишкекте 6 күндөн бери дайынсыз болуп жаткан Айжан Суранбекова жана анын курбусу Мээрим Мырзабекова изделүүдө (фото)





Борбор калаада 6 күндөн бери дайынсыз болуп жаткан Айжан Суранбекова жана анын курбусу Мээрим Мырзабекова изделүүдө. Бул тууралуу бүгүн, 10-мартта SUPER.KG порталына шаар тургуну Алина Жыргалбекова билдирди.
"Айжан менен Мээрим жакын курбулар. Экөөнүн дайынсыз болуп жатканына 6 күн болду. 6 күндөн бери окуусуна, курбу-досторунукуна да барышкан эмес. Алар байланышка чыкпай жатышат. Мен Айжандын агасынын досу болом, агасы анын жоро-жолдош, тааныштарынын баары кыздарды издеп жатышат. Кыздардын жоголгондугу тууралуу милицияга да арыз жазганбыз. 8-март күнү шаардагы сайрандоочу жайларды кыдырып чыктык, бирок издөө иштери натыйжасыз болууда. Айжан шаарда чоң энеси менен жашачу, анын ата-энеси, туугандары Москвада жашайт. Апасы кызынын жоголуп кеткенин угуп бул жакка келген. Учурда ал өзүн начар сезип ооруканада жатат. Эгер бул кыздарды көргөн-билгендер болсо, сөзсүз кабарлап коюуңуздарды өтүнөм", - дейт А.Жыргалбекова.
Бул эки кыздын туугандары эгер кыздар үйлөрүнө кайтып келүүдөн коркуп жатышса, "аман-сообуз" деп чалып коюуну өтүнүшөт. Кыздарды көрүп-билгендер 102 же (0779) 61-80-62, (0778) 31-62-64 номурларына чалсаңыздар болот.

Апасы катуу суйлоп койгон да, Москвада акча күрөп атат дейсиңби? Деп.
Анан азыркы жаштар каприздүү болушат, таарынып кетип калат. Ал эми макаланын астынкы бөлүгүндө, "Эгер үйлөрүнө кайтып келуудөн коркуп жатышса" деп турат.
Админ: Табылганда,бизге дагы кабар берип койгула.Каякта жургонун билип алалы?