Мамлекеттик өрт өчүрүү кызматынын Бишкек шаардык башкармалыгына Нидерланды Падышалыгынан гуманитардык жардам берилди

Мамлекеттик өрт өчүрүү кызматынын Бишкек шаардык башкармалыгына Нидерланды Падышалыгынан гуманитардык жардам берилди. Бул тууралуу Бишкек шаардык мэриясынан 10-мартта кабарлашты.

Мамлекеттик өрт өчүрүү кызматынын Бишкек шаардык башкармалыгында Нидерланды Падышалыгынын "Чеги жок өрт өчүрүүчүлөр" коомдук фондунан гуманитардык жардамды тапшыруу салтанаттуу иш-чарасы өттү. Гуманитардык жардам эки тараптын түзүлгөн келишиминин алкагында берилди. Кысылган аба үчүн баллондор, шымдар, жакеттер, бет каптар, шлемдер, бут кийимдер, комбинезондор, дем алдыруучу аппараттар, кол каптар берилди. Андан тышкары 4 куту кам тетиктер, түтүндү иштетүүчү 6х5 литр суюктук, 19 түтүндөн сактоочу кап, 8 форсунка, өрт өчүрүүчү шлангга илмек жана компрессор да бар.

Маалыматка ылайык, гуманитардык жардам Бишкектин №2, 7 жана 28-аскерлешкен бөлүктөрүнө жеткирилет.