Кыргыз мамлекети Түркиядагы жардырууда каза тапкандардын арасында кыргыздардын бар же жок экени тууралуу маалымат күтүүдө

Түркиядагы жардыруудан каза тапкандардын арасында кыргыздардын бар же жок экени азырынча белгисиз. Кыргыз мамлекетинин тийиштүү органдары каза болгон жарандардын аты-жөнү тууралуу Түркиянын расмий органдары маалымат бербей жатышканын кабарлоодо. ТИМ учурда Түркиянын Ички иштер министрлигинин Коопсуздук башкармалыгынын тышкы байланыш бөлүмүнөн маалымат күтүүдө.

Эскерте кетсек, 13-мартта жергиликтүү убакыт боюнча саат 18:45 чамасында Анкарадагы аялдамада жардыруу болду. Кырсыктан 34 адам каза таап, 125тей адам жаракат алганы, 19 адам оор абалда экени жарыяланды.

Быйыл 17-февралда да Анкара шаарында катуу жардыруу болгон. Анда 30дай адам каза болуп, 60тайы жаракат алган.