"Google", "Apple", "Facebook", "Twitter" жана башка белгилүү компаниялардын кызматкерлери тамактанган жайлар (фото)

Тамактануу - адам өмүрүндөгү маанилүү учур. Айрыкча жумуш учурунда даамдуу тамактануу кызматкердин иштөө жөндөмдүүлүгүн жана маанайын көтөрөрү анык. Белгилүү компаниялар "ийгиликке жетүүнүн жолу - кызматкерлердин ашказаны аркылуу" деген принципти карманышат сыяктуу. Себеби дүйнөгө белгилүү компаниялардын башкы кеңселериндеги тамактануучу жайлар дүйнөдөгү эң мыкты делген ресторандардан ашса ашат, бирок кем калбайт. Төмөндө атактуу компаниялардын кызматкерлери бекер тамактанган ашкана жана андагы тамак-аштардын сүрөттөр топтомдору.

"Google" компаниясынын борбордук кеңсеси Нью-Йорк шаарында жайгашкан. Андагы кызматкерлерге "Hemispheres" кафесинде 3 маал түрдүү тамак берилет. Тамактануу учурунда терезеден Манхэттендин керемет көрүнүшүн көрүүгө болот. Бул кафе тууралуу интернетте "иштеген жумушуңдан көңүл калышын кааласаң, "Google`да" иштеген досуң менен ал тамактанган кафеге бар" деген пикирлер айтылат.

"Apple" компаниясынын штаб-квартирасы Купертино шаарында жайгашкан (АКШ, Калифорния). Анын негизги ашканасы "Caffè Macs" деп аталып, тамактары бекер. Мексика, италиялыктардын, япон, испан, француз ашканасы жана фастфуд бар. Меню дайыма жаңыланып турат.

"Facebook" жакында эле Калифорниянын Менло-Парк шаарчасынан жаңы башкы кеңселүү болду. Кеңсенин кызматкерлери "Epic Cafe" деген кафеде 3 маал тамактана алышат. Америка жана Азия элдеринин ашканасы бар. Тамакты үйгө бекер алып кетсе да болот, ал эми кеңсенин коноктору үчүн арзандатуулар каралган.

"Twitter`дин" башкы кеңсеси Сан-Франциско (АКШ, Калифорния) шаарында жайгашкан. Бул жердин кызматкерлери да бекер тамактана алышат. Менюдагы тамактар түрдүү хештег жана ысымдар менен берилет. Мисалы, #comfort food, #tenderloin, @birdfeeder...

"Dropbox" компаниясынын штаб-квартирасы да Сан-Франциско (АКШ, Калифорния) шаарында жайгашкан. Андагы кафетерий "Tuck Shop" деп аталып, 400 чарчы метрге жакын аянтты ээлейт. Анда дүйүм тамактан чектөөсүз алса болот. Компания дүйнөнүн мыкты ресторандарында иштеп келген ашпозчуларын өзгөчө баалайт.

"AdMе.ru`нун" штаб-квартирасы Казань шаарында жайгашкан. Мына ушул жайда даамдуу тамактанып, дүйнөнү кызыктуу кылууга аракет кылышат.