Кыргыз жеринде эң көп күйөрман чогулткан 5 стадиондогу эсеп такталары (фотолор)

Эл аралык футбол федерациясынын (ФИФА) ай сайын жаңылануучу рейтингинде улуттук курамабыз жакын арада алдынкы 100дүккө кирүү алдында турат (албетте, Тажикстан курамасы менен жакшы жыйынтык көрсөткөн соң гана). Башка көрсөткүчтөрдү эсепке албаганда деле рейтинг Футбол федерациясына алдыга жылууга шык берип турары анык.

Бирок учурда эл аралык мелдештерге катышып жаткан улуттук курамага көбүрөөк көңүл бурулуп, өлкө чемпиондугу экинчи планда калып жатканы сыр эмес. SUPER.KG порталы бул жагдайга мисал жана далил катары төмөндөгү макаланы сунуштайт.

Макалада өлкө аймагында эң көп эл чогулткан, байма-бай оюндарды кабыл алып турган 5 стадиондогу эсеп такталарын (табло) көрсөтүп бермекчибиз.

Футбол федерациясынын карамагындагы Футбол борбору

Жайгашкан шаары: Бишкек
Талаа ээси: "Алга" футболдук клубу, түрдүү курактагы улуттук курамалар, кыз-келиндер курамасы

"Центральный" стадиону

Жайгашкан шаары: Кант
Талаа ээси: "Абдыш-Ата", "Наше пиво", "Живое пиво"

"Дордой" спорткомплекси

Жайгашкан шаары: Бишкек
Команда: "Дордой"

Акматбек Сүйүнбаев атындагы стадион

Жайгашкан шаары: Ош
Талаа ээси: "Алай"

Дөлөн Өмүрзаков атындагы стадион

Жайгашкан шаары: Бишкек
Талаа ээси: Түрдүү курактагы улуттук курамалар

Футбол федерациясынын алдындагы Футболдук Лиганын өкүлдөрүнө байланышып, "Мелдештин жобосу жана талаптардын катарында заманбап такта коюлушу керек деген талап барбы?" деген суроо салдык. Суроого төмөнкүдөй жооп беришти:

"Негизи, мелдештин жобосунда такта алмаштыруу керек деген талап жазылган эмес. Футболдук клубдарга бул боюнча эскертүүлөр берилип келет. Каражат маселесинин тартыштыгынан улам айрым футболдук клубдар майдандагы такталарга көңүл бурмак тургай, форманын акчасынан кутула албай жатышат".