Башкы прокуратуранын имаратына кирүүгө аракет кылган мас абалдагы жаран кармалды

Бишкек шаарынын милиция кызматкерлерине баш ийбей, бейбаштык фактысы менен шектелген адамдын үстүнөн кылмыш иши козголду. Муну 18-март күнү Бишкек ШИИББинин басма сөз кызматынан билдиришти.

Маалым болгондой, 17-март күнү саат 17:35 чамасында милицияга "Башкы прокуратуранын короосунда мас абалында белгисиз адам тынчтык бербей, эшигинин алдынан кетпей жатат" деген билдирүү түшкөн. Кызматкерлер окуя болгон жерге барышып, Бишкек шаарынын 44 жаштагы З.Е. аттуу тургунун кармашкан. Ал милиция кызматкерлерине баш бербей, имараттын ичине кирип кеткенге аракет кылган. Мас адамды Октябрь РИИБине киргизип жаткан маалда аймактык күзөт бөлүмүнүн Дэу Нексия үлгүсүндөгү кызматтык унаасынын сол терезесин сындырып салган.

Ал адамга кылмыш иши козголуп, тергөө амалдары жүрүүдө.