Чүй облусунда зордуктоого шектелип Кант шаарынын 34 жаштагы тургуну кармалды

Чүй облусунун Озёрное айылында 22 жаштагы кызды зордуктоого шектелген жаран кармалды. Бул тууралуу 18-март күнү Чүй ОИИББинин басма сөз кызматынан билдиришти.

Маалым болгондой, 17-март күнү милиция кызматкерлерине Бишкек шаарынын 22 жаштагы тургуну арыз менен кайрылган. Ал саат 02:30 чамасында 25-30 жаштардагы белгисиз адам Озёрное айылындагы суу сактагычтын жанына алып барып зордуктаганын билдирген. Жүргүзүлгөн иликтөө иштеринин алкагында кылмышка шектүү катары Кант шаарынын 34 жаштагы Е.К. аттуу тургуну кармалып, учурда иликтөө иштери жүрүүдө.