Жабырлануучу 7-апрель күнү снайперлердин ок атканына күбө болгонун айтты

Бишкекте 2010-жылдагы 7-апрель окуясы боюнча кезектеги сот иши уланып, анда жабырлануучулар көрсөтмө беришүүдө. Алардын бири-Ош облусундагы Ноокат районунун тургуну Талант Шарипов. 41 жаштагы жабырлануучу мындай көрсөтмө берди: “Эл катары эле бул күнү саат 14:30да аянтка келгем. Дароо эле ок тийип ар жерде кулап жаткан адамдарды анан Ак үйдүн чатырынын батыш жана чыгышында жүргөн 2 снайперди көрдүм. Анын бири отуруп алып, экинчиси ары-бери басып аткылап жүрдү. Бир маалда белимдин үстүнө ок тийди”. Ага тийген ок автоматтын АКС-74 номериндеги огу болгон.