Чүй облусунда айдоочу жөө жүрүүчүнү сүзүп, оор жаракаттардан улам ал каза болуп калды

Бишкек-Торугарт унаа жолунда айдоочу жөө жүрүүчүнү сүзүп, оор жаракаттардан улам ал каза болуп калды. Бул тууралуу бүгүн, 22-мартта Чүй облустук ички иштер башкы башкармалыгынан билдиришти.

Маалыматка ылайык, окуя 19-мартта саат 22:40 чамасында Бишкек-Торугарт унаа жолунун 38-чакырымында болгон. Анда Даймлер Крайслер үлгүсүндөгү унааны башкарган 31 жаштагы С.Р. аттуу шаар тургуну батышты көздөй баратып 44 жаштагы К.М. аттуу Жалал-Абад облусунун тургунун сүзүп кеткен. Оор жаракаттардан улам ал каза болуп калган. Учурда унаа айып пул төлөөчү жайга киргизилип, бул факт боюнча иликтөө иштери жүрүүдө.