Ысык-Көл. Жаштар күнү белгиленди

Облустук администрация жана КРнын Жаштар, эмгек жана иш менен камсыз кылуу министрлигинин Ысык-Көл облустук башкармалыгы менен биргеликте 10-ноябрь күнү Бүткүл дүйнөлүк жаштар күнүнө карата салтанаттуу иш-чара уюштурушту. Ага облустун активдүү жаштары жана студенттери катышты. Иш-чаранын жүрүшүндө активдүү жаштарга куттуктоо сөздөр айтылып, алардын ишин баалап Ардак грамоталар менен катар чакан белектер тапшырылды. Салтанат  КРнын Өкмөтүнүн Ысык-Көл облусунун ыйгарым укуктуу өкүлүнүн 135-токтомунун негизинде уюштурулуп, жолугушууда КРнын Жаштар, эмгек жана ишке орноштуруу министрлигинин өкүлдөрү жана КРнын Өкмөтүнүн Ысык-Көл облусу боюнча ыйгарым укуктуу өкүлү Мирбек Асанакунов менен пикир алышып, жаштарды кызыктырган суроолорго жооп алууга мүмкүндүк түзүлдү.